Ambientet e gjelbëruara dhe të rigjeneruara janë të shumta në qytetin e Korçës. Lulishtja “Shën Maria” ka pamjen e saj të re. Në këtë lulishte janë mbjellë lule dhe bimësi e shumëllojshme, është shtruar 300 metra trotuar i ri dhe rrugë dytesore, janë vendosur 40 stola të rinj si edhe janë rikonstruktuar 40 stola të tjerë ekzistues, janë vendosur gjithashtu edhe kosha të rinj mbeturinash në të gjithë sipërfaqen e lulishtes. Risia e kësaj lulishteje është vendosja e shatërvanit në qendër të tij, i cili ja shton edhe më shumë hijeshinë dhe vlerat. Qytetarë të shumtë e frekuentojnë çdo ditë këtë lulishte. Ajo ka rritur mirëqenien dhe komoditetin e lagjeve përreth. Në këtë lulishte gjendet edhe Kisha Shën Marisë, që ka pasur përrreth një manastir të vajzave – murgesha, dhe që ka ngjitur kishën me katakombin paleokristian të Shën e Premtes, sipas Thimi Mitkos është faltorja më e vjetër në trevën e Korçës dhe ka mbajtur datën 1225. Pas djegjeve të njëpasnjëshme, në vitin 1844 u rindërtua për së treti, por u zhduk gjatë regjimit komunist. Sot në atë vend është ngritur një kishëzë, ku në çdo çast gjen besimtarë me qirinj në dorë.