Projekti “Shkolla qendër komunitare”, pjesë e të cilit është edhe shkolla “Naum Veqilharxhi”, synon krijimin e një shkollë miqësore për të gjithë, si një qasje (lëvizje promovuese dhe zhvilluese) për ta kthyer shkollën në vendin ku ndërtohet partneriteti shkollë-familje-komunitet dhe ku bashkëpunohet për zhvillimin e potencialit të plotë të çdo nxënësi. Qasja e shkollës qendër komunitare është një dimension i rëndësishëm i reformimit të arsimit dhe përmirësimit të cilësisë së tij. Ajo krijon mundësinë e vlerësimit të punës së shkollës në lidhje me bashkëpunimin shkollë-familje-komunitet dhe mbi këtë bazë, hartimin e strategjive që mbështesin ngritjen e një modeli të shkollës komunitare, përmes bashkëpunimit me të gjithë aktorët.